Plantun de Prouvènço

Pèr coumpara dos planto d'encò nostre

Euphorbia helioscopia & Ceratocephala falcata

Reviho-matin

Euphorbia helioscopia

Euphorbiaceae

Àutri noum : Reveio-matin, Maussible.

Noms en français : Euphorbe réveille-matin, Réveille-matin.

Descripcioun :
Lou reviho-matin vèn dins li relarg un pau umide di camin, erme e champ. Se renounèis eisadamen à si fueio alargado e dentado à la cimo e mai estrecho proche dóu pecout. Quouro flouris fai un brout (oumbello) di cinq rai (fotò).

Usanço :
Coume tóuti lis meno d'Euphorbia, lou reviho-matin es uno planto empouisounanto. Lou la que s'escoulo à la coupo èi di proun irritant pèr la pèu, lis iue e la bouco. Pamens, poudès vous n'en servi pèr crema li berrugo, un cop pèr jour, vint jour de tèms (L.). Ei bon peréu pèr sougna li mouchourlo de fedo e de chivau.

Port : Erbo
Taio : Pancaro entresigna
Fueio : alterno
Tipe bioulougico : Pancaro entresigna
Cicle bioulougico : Pancaro entresigna

Gènre : Euphorbia
Famiho : Euphorbiaceae

Ordre : Malpighiales

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printèms Ivèr

Sòu : Ca
Autour basso e auto : 0 à 1700 m
Aparado : Noun

Liò : Champ
Estànci : Pancaro entresigna
Couroulougi : Pancaro entresigna
Ref. sc. : Euphorbia helioscopia L., 1753

Tas

Ceratocephala falcata

Ranunculaceae

Noms en français : Cératocéphale en faux, Renoncule en faux.

Descripcioun :
Curiouso planto, curious noum aquéu tas que trachis, souvènt en group, dins li meissoun e ermas d'Auto Prouvènço. Lou tas èi pas bèn grand (10 cm), d'un verd clar, emé de noumbróusi fueio en rouseto di proun descoupado en ventau. Li flour soun d'un jaune clar e fan de gròssis espigo (fin qu'à 4 cm) que sèmblon espinouso emé sis akène en formo de daio (falcatus). Flouris d'ouro, tre la debuto de mars.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 2 à 12 cm
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Ceratocephala
Famiho : Ranunculaceae

Ordre : Ranunculales

Coulour de la flour : Jauno
Petalo : >6
Ø (o loungour) flour : 2 à 6 mm
Flourido : Printems Ivèr

Sòu : Ca
Autour basso e auto : 0 à 1300 m
Aparado : Noun
Remarco : Arquéofito
Mars à mai

Liò : Meissoun - Ermas - Champ
Estànci : Mesoumediterran à Mountagnard
Couroulougi : Éurasiatico
Ref. sc. : Ceratocephala falcata (L.) Pers., 1805 (= Ranunculus falcatus L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Euphorbia helioscopia & Ceratocephala falcata

Coumpara Reviho-matin emé uno autro planto

Coumpara Tas emé uno autro planto